سيرتي الذاتية
خوش رجال. أكيد أقوى مميزاتي قد تكون غير مهمة أو لا معنى لها عند بنت، ويمكن أصغر عيوبي تندرج تحت هذا فراق بيني وبينك عند نفس البنت؛ بينما أكبر المنفرات فيني حلو بارد عند بنت أخرى. عشان كذا يمكن السرد اللي راح يكون بطبيعة الحال انتقائي ما راح يكون مهم. بس الجادة اللي تشوف ان مواصفاتي العامة تناسبها والمواصفات العامة للبنت اللي طالبها تنطبق عليها: أكيد تآمر على راسي وتجيها أدق التفاصيل بكل صدق وشفافية. بس مبدئيا كرؤوس أقلام: عزيز نفس، الإحترام قبل كل شي، والإهتمام ثانيا (جدددددا متطلب - ويحق لي، مو يحق لي عشان سواد عيوني، لأ يحق لي لاني ما أطلب شي أنا مو قاعد أعطي أضعافه)، سمعتي (بلا غرور) سابقتني، أعزب لم يسبق لي الإرتباط، شخصية بسيطة بعقل متشابك ، وآخر خيار للي تدور السهل، طحنتني الحياة وما في شي في تفاصيلها كان سهل علي - بس أنا من اللي قال فيهم الشاعر "ونموت ماتاطا لنا الدنيا طرف". مكتفي بذاتي ولا جاي أدور نصف ثاني: إما إنسانة رائعة تمثل إضافة جميلة في حياتي (اللي أنا أصلاً أشوفها كاملة) أو دانا عايشنها بالطول والعرض بار بوالديني وكافي خيري شري.